Benidorm
Benidorm - Draumur í hundrað ár!
Draumkenndar strendur Benidorm hafa lokkað til sín sólþyrsta Íslendinga í árabil. Líflegar strandir, dýragarðar, næturklúbbar og skemmtigarðar ásamt hagstæðu verðlagi gera Benidorm að einum af eftirsóttasta áfangastað Evrópu. Á Benidorm starfa hjá okkur þaulreyndir farastjórar sem þekkja svæðið eins og lófann á sér.
Hvítar strendur við Miðjarðarhafið
Þeir sem hafa komið til Benidorm skilja afhverju staðurinn hefur verið einn vinsælasti sumarleyfisstaður Evrópubúa í næstum hundrað ár. Þar er nefnilega hægt að finna allt sem hugur girnist og líkaminn þarfnast, eða þarfnast ekki.
Á aðra höndina kyssir Miðjarðarhafið, tært og óendanlegt, hvítar strendur og á hina rísa kraftmiklir fjallgarðar. Strendur Benidorm bjóða bæði upp á letilíf á sólbekk með ölkrús við hönd og fjöruga afþreyingu í sjónum. Til að mynda er hægt að leigja Jetsky fyrir lítið fé og þeytast á öldunum í kringum nærliggjandi kletta eða ganga eftir langri ströndinni og njóta sólarinnar. Á Benidorm er líka auðvelt að leigja hjól á hagstæðu verði en hjólaleigurnar eru yfirleitt staðsettar meðfram strandlengjunni.
Víðfrægt næturlíf og hagstætt verðlag
Næturlíf Benidorm er fyrir löngu orðið þekkt út fyrir landssteinanna. Þá er bæði hægt að velja um fjöruga skemmtistaði meðfram strandlengjunni þar sem dansinn dunar allt kvöldið og til morguns eða stóra næturklúbba nærri miðborginni. Eins eru ótal líflegir barir bæði hjá ströndinni og inni í borginni.
Verðlag í borginni er einstaklega hagstætt og kostar bjórinn í kringum tvær evrur á veitingahúsum borgarinnar. Það ætti því enginn að fara blankur heim, sem er einmitt ein önnur ástæða fyrir vinsældum áfangastaðarins.
Nóg við að vera fyrir börnin
Börnin elska Benidorm. Enda hefur staðurinn næstum því hundrað ára reynslu af því að skemmta ferðalöngum á öllum aldri. Dýragarðinn Terra Natura ætti enginn að láta fram hjá sér fara, þar er að finna öll dýr frumskógarins. Munið bara eftir sólarvörninni, því á Benidorm er sól nær allan ársins hring.
Heimsókn í sædýragarðinn Mundomar gleymir enginn. Garðurinn var stofnaður árið 1996 og er heimili yfir þrjátíu dýrategunda. Terra Mitica er svo einn frægasti skemmtigarður heims. Garðurinn skiptist í ævintýraveraldir, hver með sitt þema. Þar er hægt að kynnast sögu Grikklands, Egyptalands, Rómar og fleiri menningarsvæða og fara í ótal skemmtileg tæki. Aqualandia er stór vatnsrennibrautargarður þar sem bæði krakkar og fullorðnir skemmta sér konunglega í vatnsrennibrautum og sundlaugum. Þetta er einungis lítið brot af þeirri fjölbreyttu skemmtun sem er í boði á Benidorm fyrir alla aldurshópa.
Gististaðir sem hæfa öllum
Ferðaiðnaðurinn á Benidorm er með margra áratuga reynslu í því að taka á móti öllum gerðum hópa. Pör, vinahópar, fjölskyldur með krakka á öllum aldri - allir ættu að geta fundið sér hótel við sitt hæfi, á góðum kjörum.
Við erum með góða samninga við nokkur Adults only hótel sem henta vel fyrir pör sem vilja halda sig fjarri þeim líflega skarkala sem getur fylgt barnafjölskyldum. Eins bjóðum við upp á ótal skemmtileg hótel með stórum sundlaugum eða nærri ströndinni þar sem fjölskyldur með börn á öllum aldri geta notið sín. Fjölbreytni sem kemur af margra ára reynslu.
Spænskur draumur í fjöllunum
Þrátt fyrir að borgin hafi verið áfangstaður sólþystra ferðamanna í árabil er ekki langt að leita til þess að komast í kyrrðina í litlum þorpum í fjöllunum. Stuttur akstur er frá iðandi borginni í lítil fjallaþorp þar sem gaman er að eyða degi eða tveimur, ganga um, sötra öl og njóta þess besta sem Spánn hefur upp á að bjóða. Samgöngur eru líka ódýrar og öruggar til og frá Benidorm.
Gistingar á Costa Blanca svæðinu
Gran Hotel Bali er 4 stjörnu hótel á Costa Blanca ströndinni á Benidorm. Herbergin eru með tveimur stórum rúmum, auk sófa sem nýtist vel sem viðbótar gisting fyrir börn eða unglinga. Gran Hotel Bali leggur mikið upp úr afþreyingu fyrir alla aldurshópa.
Hótel Kaktus er mjög gott 4ra stjörnu hótel. Hótelið var opnað í júní 2003 og er á besta stað í Albir, alveg á ströndinni með miðbæ Albir og listamannabæinn Altea í seilingarfjarlægð. Fallegur garður með sundlaug og sólbaðsaðstöðu. Á þaki hótelsins er einnig sundlaug.
Gott 4ra stjörnu hótel í Albir ca 1 km frá fallegri ströndinni í Albir og aðeins nokkra kílómetra frá Benidorm og Altea. Glæsileg heilsulind og í gróðursælum garðinum er stór sundlaug og ljómandi aðstaða til sólbaða.
Hotel Madeira Centro er gott 4 stjörnu hótel staðsett á besta stað við gamla hverfið á Benidorm og í um 2 mínútur frá Levante ströndinni. Falleg og góð gisting í hjarta Benidorm. Öll herbergin eru snyrtileg og með loftkælingu, minibar og öryggishólfi.
Hotel Dynastic er gott 4ra stjörnu hótel staðsett u.þ.b. 500 metra frá Levante ströndinni á Rincón de Loix svæðinu. Fjöldi veitingahúsa, skemmtistaða og verslana eru í næsta nágrenni.
Hotel Melia Alicante er frábært 4ra stjörnu hótel og er það eitt vinsælasta hótelið á Alicante. Hótelið er staðsett úti á smábátabryggjunni með Postuguet ströndina í fanginu, smábátahöfnin er frábærlega staðsett alveg í miðborginni með fjölda veitinga- og kaffihúsa í næsta nágrenni.
Hotel Palm Beach er gott 4ra stjörnu hótel staðsett við enda Levante strandarinnar í hæðinni fyrir ofan bæinn á Benidorm. Herbergin eru fallega innréttuð og ágætlega rúmgóð. Þau snúa öll út í garð. Gott baðherbergi, sími, sjónvarp, minibar og svalir. Öll herbergi eru loftkæld.
Hotel Sol y Mar Gran Spa Beach Club er fallegt 4 stjörnu hótel staðsett við ströndina í Calpe. Hótelið og herbergin eru hönnuð í nútímalegum stíl. Hótelið er eingöngu fyrir 18 ára og eldri.
Hotel Brisa er glænýtt 4 stjörnu hótel staðsett á besta stað, við Levante ströndina. Sundlaug, sundlaugarbar, veitingastaður og kaffihús á staðnum. Stutt í alla þjónustu.
Hotel Mediterraneo er mjög gott 4 stjörnu hótel staðsett við Levante ströndina. Glæsilegur garður með stórum sundlaugum og mjög góðri sólbaðsaðstöðu. Barnasundlaug og leikvöllur ásamt dagskrá fyrir hressa krakka.
Melia Benidorm er gott 4ra stjörnu hótel staðsett í Rincon de Loix, um 900 metra frá Levante ströndinni. Vel útbúin herbergi sem öll snúa út að sundlaugargarðinum. Fjölbreytt skemmtidagskrá er á hótelinu og fjöldi veitingastaða, bara og verslana eru í næsta nágrenni.
Abba Centrum Alicante er gott fjögurra stjörnu hótel í Alicante, hótelið er í göngufæri frá ströndinni og smábátahöfninni. Góð aðstaða til sólbaða og stutt í verslanir. Herbergin eru öll nýlega uppgerð og innréttuð í nýtískulegum stíl í ljósum litum.
Hótel Medplaya Agir er ágætt 4 stjörnu hótel vel staðsett um 100 m frá Levante ströndinni. Um 10 mín gangur er í gamla miðbæinn í Benidorm. Á hótelinu er heilsulind ásamt líkamsræktarsal. Hótelið er eingöngu fyrir 18 ára og eldri.
Flamingo Beach Resort er 4ja stjörnu gisting staðsett í 10 mínútna göngufjarlægð frá Levante ströndinni. Nóg um að vera og góður sundlaugagarður. Hótelið er eingöngu fyrir 16 ára og eldri.
Grand Luxor er glæsilegt 4 stjörnu hótel á Costa Blanca - Benidorm staðsett á egypska svæðinu í Terra Mitica skemmtigarðinum. Hótelið býður upp á allt það helsta til að gera fríið ógleymanlegt.
Port Benidorm er mjög fínt 4ra stjörnu hótel á Benidorm. Á hótelinu er sundlaug og leiksvæði fyrir börn en stutt er í Levante ströndina. Rúmgóð tvíbýli með svölum. Fjölbreytt skemmtidagskrá fyrir alla fjölskylduna.
Hótel Avenida er gott 4ra stjörnu hótel stutt frá Levante ströndinni. Fimm mínútna gangur niður á strönd en í garðinum má einnig finna útisundlaug og sólbekki.
Hotel Cap Negret er 4ra stjörnu hótel staðsett við ströndinna í um 800 metrum frá bænum Altea. Á hótelinu er útisundlaug, sólbaðsaðstaða og fallegt útsýni yfir ströndina er úr garðinum.
HB Centre, áður Hótel Benidorm Centre, er 4* hótel staðsett í hjarta Benidorm og stutt í allt það helsta. Einungis 200 metrar á Levante ströndina. Hótelið er aðeins fyrir 18 ára og eldri.
Flamingo Oasis er 4 stjörnu hótel staðsett í 15 mínútna gangi frá Levante ströndinni á Benidorm. Hótelið er staðsett í nýrri hluta Benidorm og er stutt í alla þjónustu. Herbergin eru rúmgóð, snyrtileg og stílhrein.
Apartamentos Pueblo Acantilado er falleg 4 stjörnu íbúðagisting staðsett á milli Benidorm og Alicante við klettavegg meðfram sjónum - í um 15 mínútna akstri frá strönd. Hótelið er byggt upp eins og lítið spánskt þorp.
Sunconfort Aqua Azul nýlega uppgert 4ra stjörnu hótel og eitt vinsælasta hótelið í Benidorm vegna staðsetningar og góðrar þjónustu. Hótelið er aðeins 400 metrum frá strönd og stutt frá gamla bænum. Frábær valkostur og eingöngu fyrir fullorðna. Hótel er eingöngu fyrir 18 ára og eldri.
Flash Hotel er góð 4 stjörnu gisting á besta stað á Benidorm í um 5 gangi frá ströndinni og gamla bænum. Nútímaleg og vel útbúin herbergi eru á hótelinu. Þetta hótel er eingöngu fyrir 18 ára og eldri.
Hotel Los Alamos er góð 4 stjörnu hótelgisting staðsett á frábærum stað á Benidorm. Stutt í gamla bæinn og á ströndina. Góð og snyrtileg herbergi eru á hótelinu, búin helstu þægindum eins og sjónvarpi, öryggishólfi og síma. Snyrtileg baðherbergi og svalir á öllum herbergjum.
Les Dunes Comodoro er 4* hótel staðsett á Levante ströndinni á Benidorm. Frá hótelinu er stutt í það allra helsta, t.d. bari og verslanir. Næsti golfvöllur er í um 10 min akstursfjarlægð.
Hótel Port Alicante er 4* hótel, staðsett um 600 m frá ströndinni og um 5 km frá miðbæ Alicante. Fín sólbaðsaðstaða, sundlaug, vel útbúin herbergi, veitingastaður og kaffihús eru á hótelinu.
Flott og nýtískulegt 4* borgarhótel sem er rétt hjá strönd og í miðbæ Benidorm. Björt herbergi, sundlaug, skemmtidagskrá og margt fleira.
Nútímalegt 4 stjörnu hótel staðsett í vinsæla hverfinu Rincón de Loix, 300 metrum frá Levante ströndinni og um 750 metrum frá miðbæ Benidorm. Stílhrein herbergi, fín aðstaða sólbaðsaðstaða og veitingastaður. Hótelið er eingöngu fyrir 16 ára og eldri.
Skemmtilegt fjögurra stjörnu hótel með flottan sundlaugargarð og afþreyingu fyrir alla aldurshópa. Hótelið er í miðbæ Benidorm en í stuttri fjarlægð frá Levante ströndinni.
Milords Suites íbúðargistingin er einstaklega vel staðsett í hjarta Benidorm. Íbúðargistingin er ein af örfáum gistingum sem nær að sameina óviðjafanlega stemmingu gamla bæjarhluta Benidorm og það að vera nánast á ströndinni.
Íbúðagisting á 16 hæðum, byggt árið 2004 og staðsett nálægt Cantal Roig ströndinni. Stutt er í miðbæ Calpe og Paseo Maritímo göngugötuna en þessi svæði eru í stuttu göngufæri.
Hotel Oasis Plaza er vel staðsett 3ja stjörnu hótel í gamla bænum á Benidorm, rétt fyrir ofan Poniente ströndina í Marina Baja hverfinu um 350 m frá Ponienteströndinni. Á hótelinu er bar og veitingastaður. Sólbaðsaðstaða og sundlaug eru upp á þaki hótelsins ásamt barnalaug.
Aparthotel Levante Club er einföld 3 stjörnu íbúðagisting við endann á Levante ströndinni, ströndin er í ca 3-5 min göngufjarlægð. Í boði eru íbúðir með einu eða tveimur svefnherbergjum. Ágætis sólbaðsaðstaða með sundlaug og barnasundlaug
Hotel Albir Garden Resort er nýlega uppgert, með rúmgóðum og snyrtilegum íbúðum. Hótelið er í frábærri staðsetningu, í miðbæ Albir og aðeins 15 mínútna ganga er að strönd.
Stór garður, opin svæði, leiksvæði, sundlaugagarður, Spa, hlaðborðsveitingastaður og svo margt meira í boði!
Larimar er nýlegt 3ja stjörnu íbúðahótel, staðsett nærri smábátahöfninni og Ifach klettinum í Calpe. Íbúðirnar eru vel búnar og eru ýmist með einu eða tveimur svefnherbergjum. Þar er að finna góðar svalir með útsýni yfir smábátahöfnina, Ifach klettinn eða lónið sem er staðsett inni í bænum.
Lesa meira
Sol Pelicanos er staðsett á fínum stað á Levante ströndinni í Rincon de Loix hverfinu aðeins 300 metra frá ströndinni.
Hotel Maya er gott 3ja stjörnu hótel staðsett stutt frá mörgum áhugaverðum stöðum svo sem Santa Barbara kastalanum, listasafni og Plaza Mar verslunarmiðstöðinni og um 750 metra frá ströndinni. Snyrtilegur sundlaugagarður og líkamsræktarstöð.
Prince Park er 3ja stjörnu hótel staðsett í um 800 metrum frá gamla bænum á Benidorm. Snyrtileg og björt herbergi og góður garður með sólbaðsaðstöðu og útisundlaug. Á hótelinu er veitingastaður með hlaðborð og bar.
Hotel Alone er tilvalinn áfangastaður til að njóta sólarinnar og strönd með maka, vinum eða fjölskyldu. Á hótelinu er sundlaug, veitingastaður, úrval skemmtunar og góð sólbaðsaðstaða.
Það er staðsett 500 metrum frá ströndinni og 2 km frá Benidorm.
Magic Robin Hood er 3 stjörnu skemmtilegt og nýlegt fjölskylduhótel staðsett rétta fyrir ofan Albir svæðið í bænum. Vatnsrennibrautagarður og fjölskylduvænt hótel. Herbergin eru í litlum smáhýsum, notaleg og með skemmtilegum innréttingum, fallega hönnuð og rúmgóð. Allt svæðið er í ævintýrastíl.
Magic Tropical Splash er 3 stjörnu skemmtilegt og frábært fjölskylduhótel staðsett á Benidorm. Vatnsrennibrautagarðar, skemmtun alla daga og fjölskylduvænt hótel. Herbergin eru smekklega innréttuð og rúmgóð með öllum helstu þægindum. Allt svæðið í sjóræningjastíl.
Port Denia er fínt 3 stjörnu hótel staðsett í fallega bænum Denia sem er í rúmlega klukkustundar fjarlægð frá Alicante. Hótelið er staðsett í um 2 min fjarlægð frá ströndinni. ATH að ekki er boðið upp á akstur frá flugvelli til Denia.
Hótel Montesol er 3 stjörnu gisting staðsett í hjarta gamla bæjarhlutans á Benidorm. Borgarhótel og enginn sundlaugargarður. Herbergin eru rúmgóð og snyrtileg og vel hönnuð. Falleg baðherbergi, sjónvarp og öryggishólf gegn gjaldi.
Hótel Helios Benidorm er 3 stjörnu hótel staðsett um það bil 410 metrum frá Levante ströndinni og stutt frá lífinu á Benidorm. Hótelið hefur verið tekið í gegn og eru herbergin einföld og rúmgóð. Hægt er að velja um hálft fæði eða fullt fæði.
Hótel Poseidon Resort er fínt 3 stjörnu hótel staðsett rétt við Levante ströndina. Það er auðvelt að njóta sín hvort sem það er á ströndinni, í sundlaugunum tveimur sem eru í garðinum eða bara í garðinum sjálfum.
Benilux Park er 3 stjörnu hótelgisting í gamla bænum á Benidorm og í um 5 min fjarlægð frá Poniente ströndinni. Fín fjölskyldugisting með góðri aðstöðu fyrir börnin.
Poseidon Playa er einföld 3* gisting sem er í göngufæri við ströndina. Öll herbergin snúa að Miðjarðarhafinu, svo hægt er að fara í sólbað á svölunum, við sundlaugina eða á ströndinni.
Á hótelinu er m.a. hlaðborðsveitingastaður, bar, skemmtidagskrá og barnaklúbbur.
Tropic Relax er einfalt 3 stjörnu hótel staðsett í aðeins 5 min göngufjarlægð frá ströndinni Cala de Finestrat á Benidorm. Rúmgóð herbergi, stutt í mannlífið, verslanir og veitingastaði.
Paraiso Centro er snyrtileg og mjög vel staðsett íbúðagisting stutt frá gamla bænum í Benidorm. Einfaldar, snyrtilegar og rúmgóðar íbúðir með einu eða tveimur svefnherbergjum, eldhúsi, baði, stofu og svölum sem snúa út í garð. Stutt er í alla þjónustu, t.d. matvörumarkaðinn Mercadona, banka og verslanir.
Amalia er einfalt 2ja stjörnu íbúðarhótel um 350 metra frá Playa de Levante ströndinni. Lítill garður með sundlaug og bar er við íbúðarhótelið. Íbúðirnar eru nýtískulegar og bjartar með einu svefnherbergi, búnar eldhúsi með örbylgjuofni, helluborði og ísskáp.
Hótel Queens er vel staðsett 2 stjörnu gisting í gamla bænum aðeins nokkrum min frá Levante ströndinni. Herbergin eru stílhrein, engin sundlaug er á hótelinu en ströndin í aðeins 2 min fjarlægð. Hótelið er aðeins fyrir 16 ára og eldri.
Buenos Aires er 2 stjörnu íbúðagisting á Benidorm staðsett í um 2 min fjarlægð frá ströndinni. Fínn valkostur fyrir fjölskyldur, íbúðir með tveimur svefnherbergjum.