Enska ströndin

Hotel Corallium Dunamar er gott 4ra stjörnu hótel á besta stað á Ensku ströndinni, neðst í gilinu og alveg við ströndina. Stutt er í alla helstu þjónustu frá hótelinu og fjöldi veitingahúsa og verslana í næsta nágrenni. Hótelið var nýlega endurnýjað og er því í góðu standi. Athugið að hótelið er einungis fyrir 16 ára og eldri.

GISTING 

Herbergin eru í tveimur byggingum og eru öll með baðkari með sturtu, sjónvarpi, mini-bar, öryggishólfi og svölum eða verönd. Herbergin eru loftkæld og á baðherbergjum er að finna hárþurrku. Athugið að einsmannsherbergi eru hvorki með svölum né verönd. Hægt að fá herbergi með góðu aðgengi fyrir hreyfihamlaða(vinsamlegast hafið samband). 

Hægt er að velja um nokkrar tegundir af herbergjum: 

„Standard herbergi“: Þessi herbergi eru staðsett á neðri hæðum í norðurbyggingu hótelsins og snúa út í garð. 

„Standard herbergi með garð- og sjávarsýn“: Þessi herbergi eru staðasett í norðurbyggingu hótelsins á þremur efstu hæðunum með útsýni yfir hótelgarðinn og út á sjó. 

„Deluxe herbergi“: Þessi herbergi eru staðsett í aðalbyggingu hótelsins með útsýni yfir garðinn og/eða Playa del Ingles ströndina. 

„Deluxe herbergi með garð og sjávarsýn“: Þessi herbergi eru staðsett í aðalbyggingu hótelsins með útsýni yfir garðinn og út á sjó. 

AÐSTAÐA

Garðurinn er fallegur og gróðursæll, þar eru þrjár sundlaugar ásamt nuddpotti. Gestir geta leigt handklæði við sundlaugina, gegn gjaldi. Hvert herbergi á sérmerkta bekki í garðinum. Frítt þráðlaust internet er í gestamóttöku. Á hótelinu er hárgreiðslu-, nudd- og snyrtistofa. 

AFÞREYING 

2-3 km eru í Maspalomas gólfvöllinn og Lopesan Meloneras golfvöllinn. Nóg er um að vera á ströndinni og hægt að fara í tennis(gegn gjaldi). Skemmtidagskrá er reglulega á bar hótelsins, fyrir alla fjölskylduna. 

VEITINGAR 

Val er um morgunverð og hálft fæði. Tabefe er veitingastaður með hlaðborð og veitingastaðirnir Titana og Mercedes bjóða upp á léttar veitingar og drykki. Á Corallium Dunamar eru 4 barir þar af tveir við sundlaugina, einn píanóbar á 7. hæð hótelsins með stórkostlegu útsýni og á 6. hæð er Atlantico barinn þar sem skemmtidagskrá hótelsins fer fram. 

STAÐSETNING 

Corallium Dunamar er á besta stað á Ensku ströndinni, neðst í gilinu alveg við ströndina. Frábært útsýni og stutt í ströndina. 

AÐBÚNAÐUR Á HOTEL CORALLIUM DUNAMAR 

Þrjár útisundlaugar 

Sólbaðsaðstaða 

Stutt í strönd 

Sundlaugabar 

Hlaðborðsveitingastaður 

Snarlbar 

Píanóbar

Hárgreiðslustofa

Snyrtistofa 

Nudd

Skemmtidagskrá 

ATH
Ljósmyndir af gististöðum eru birtar til að gefa hugmynd um vistarverur og umhverfi gististaða. Við getum því ekki ábyrgst að engar breytingar hafi átt sér stað frá því að myndirnar voru teknar. 
 
Aðgangur að interneti getur verið hægari á álagstímum. 
 
Skemmtidagskrá getur verið árstíðarbundin.

Upplýsingar

C/Helsinki, 8 E-35100 Playa del Ingles Gran Canaria

Kort