Hótel
Gran Hotel Bali er 4ra stjörnu hótel á Costa Blanca ströndinni. Hótelið skiptist í tvær byggingar, sem hvor um sig býður upp á stórbrotið útsýni. Það er staðsett í bænum Cala De Finestrat er í næsta nágrenni við Benidorm og í 10 mínútna göngufjarlægð frá einni af fallegustu ströndum svæðisins.
GISTING
Herbergin eru vel búin með tvíbreiðu rúmi, auk sófa sem nýtist vel sem viðbótar gisting fyrir börn eða unglinga. Öll tveggja manna herbergin eru búin svölum eða verönd sem snúa að strönd eða út að sundlaugagarðinum. Athugið að einstaklingsherbergi á Gran Hotel Bali geta verið án svala. Herbergin eru vel búin, með loftkælingu og kyndingu(árstíðarbundin), sjónvarpi og öryggishólfi(öryggishólf þarf að leigja hjá gestamóttöku). Öllum herbergjum fylgir lítill mini-bar sem gestir hafa til eigin nota, hvort sem er til að kæla eigin drykkjarföng eða annað sem henta þykir. Baðherbergin eru búin hárþurrku og öllum hreinlætisvörum sem tilheyra 4ra stjörnu hóteli. Herbergin eru þrifin daglega og er herbergisþjónusta í boði allan sólarhringinn. Hægt er að tengjast þráðlausu interneti í herbergjunum gegn gjaldi.
AÐSTAÐA
Garðurinn er mjög skemmtilegur með tvískiptri sundlaug fyrir börn og fullorðna ásamt sólbaðsaðstöðu. Sérstakur nuddpottur er í garðinum, brýr og fossar sem gera umhverfið mjög skemmtilegt til að sóla sig í. Á hótelinu eru 14 lyftur, þar af tvær utanáliggjandi með æðislegu útsýni. Hægt er að leigja handklæði til að nota í sundlaugagarðinum og á ströndinni.
AFÞREYING
Gran Hotel Bali leggur mikið upp úr afþreyingu fyrir alla aldurshópa. Leiktækjasalur, barnaklúbbur, útisvið fyrir dag og kvöldskemmtanir. Á sumrin fer öll kvöldskemmtun fram utandyra. Skemmtidagskrá á kvöldin ásamt dansi. Í kjalla hótelsins er næturklúbbur.
VEITINGAR
Á hótelinu eru tveir matsalir, annar á sömu hæð og gestamóttakan og hin á hæðinni fyrir neðan gestamóttöku. Farþegar sem kjósa að vera í hálfu fæði fá morgunverð og kvöldverð á hlaðborðsveitingastað hótelsins en hægt er að skipta út kvöldverð og fá hádegisverð í staðinn. Athugið að drykkir eru ekki innifaldir í verði, að undanskyldu kaffi, te og djús með morgunverð. Við sundlaugina er bar sem selur drykki, samlokur og snarl. Í "öllu inniföldu" er morgun-, hádegis- og kvöldverður á hlaðborðsveitingastöðunum og léttvín, bjór, gos og vatn innifalið. Allt innifalið gildir svo á barnum frá 10:00-23:00 þar sem hægt er að fá innlenda áfenga drykki, bjór, gos, vatn, te og kaffi (ekki espresso).
FYRIR BÖRNIN
Skemmtilegt hótel fyrir börn. Barna og skemmtidagskrá er mjög góð yfir sumartímann eða frá 15 júní og út september. Á haustin og vorin er dagskráin í lágmarki.
STAÐSETNING
Staðsetning hótelsins er mjög góð. Rólegt umhverfi til þess að fjölskyldur geti notið þess að vera saman, en er um leið í seilingarfjarlægð frá veitinga og kaffihúsum og iðandi mannlífi. Skemmtigarðurinn Terra Mitica er í allra næsta nágrenni og einnig verslunarmiðstöðin La Marina og Carrefour.
AÐBÚNAÐUR Á GRAN HOTEL BALI
Tvíbýli/einbýli
Svalir/verönd
Baðherbergi
Sjónvarp
Sófi
Baðherbergi
Hárþurrka
Hreinlætisvörur
Öryggishólf(gegn gjaldi)
Loftkæling
Kynding
Útisundlaug
Nuddpottur
Sólbaðsaðstaða
Sundlaugabar
Líkamsrækt - Gegn gjaldi
Gufubað - Gegn gjaldi
Leikjaherbergi
Leikherbergi
Skemmtidagskrá
Barnadagskrá
Næturklúbbur
Sólarhringsmóttaka
ATH
Boðið er uppá akstur milli Alicante flugvallar og hótela á Benidorm á öllum flugdögum yfir sumartímann. Ef ekki fæst næg þátttaka áskiljum við okkur rétt á því að fella aksturinn niður. Farþegar verða látnir vita með 7 daga fyrirvara ef um slíkt er að ræða.
Upplýsingar
C/Luis Prendes, s/n 03502 Benidorm
Kort