Benidorm

Paraiso Centro er snyrtilegt og mjög vel staðsett íbúðagisting stutt frá gamla bænum í Benidorm. Einfaldar, snyrtilegar og rúmgóðar íbúðir með einu eða tveimur svefnherbergjum, eldhúsi, baði, stofu og svölum sem snúa út í garð. Stutt er í alla þjónustu, t.d. matvörumarkaðinn Mercadona, banka og verslanir. Mjög góðir veitingastaðir eru í næsta nágrenni.

GISTING 

Snyrtilegar íbúðir með einu eða tveimur svefnherbergjum. Í íbúðunum er eldhúskrókur, baðherbergi og svalir. Við komu greiðist 150 evru tryggingagjald fyrir íbúðina. Tryggingarféð er svo endurgreitt við brottför m.v. að íbúðin sé í lagi. Íbúðirnar eru þrifnar við upphaf og lok dvalar en ekki á meðan dvöl stendur. Skipt er á handklæðum tvisvar í viku. Þvottavélar eru í öllum íbúðum og hægt er að leigja öryggishólf í gestamóttöku. Hægt er að leigja barnarúm og er gjaldið fyrir það um 6 evrur á dag, sem greiðist við komu á gististað. 

Hámarksfjöldi í íbúð með 1 svefnherbergi: þrír fullorðnir og eitt barn. 
Hámarksfjöldi í íbúð með 2 svefnherbergjum: fjórir fullorðnir og tvö börn. 

Athugið - Mjög áríðandi!
Lyklar að íbúðunum munu vera afhentir af fararstjóra á flugvellinum við komu. EF FARÞEGAR TAKA EKKI RÚTU MEÐ FARARSTJÓRA FRÁ FLUGVELLI ÞÁ VINSAMLEGST GEFIÐ YKKUR FRAM VIÐ FARARSTJÓRA ÚT Á FLUGVELLI OG HANN LÆTUR YKKUR HAFA LYKLANA.
Þá daga sem ekki er akstur í boði afhentir húsvörður í íbúð 13D lyklana af herbergjunum.

AÐSTAÐA 

Lítill og snyrtilegur sundlaugagarður þar sem gestir geta sólað sig og svamlað um. Hægt er að leigja sólbekki gegn gjaldi. 

STAÐSETNING

Paraiso Centro er staðsett í ca 800 metra fjarlægð frá Levante ströndinni.

AKSTUR

Boðið er uppá akstur milli Alicante flugvallar og hótela á Benidorm á öllum flugdögum yfir sumartímann. Ef ekki fæst næg þátttaka áskiljum við okkur rétt á því að fella aksturinn niður. Farþegar verða látnir vita með 7 daga fyrirvara ef um slíkt er að ræða. Ekki er hægt að fá endurgreiddan gistikostnað ef farþegar ákveða að flytja sig annað.

AÐBÚNAÐUR Á PARADISO CENTRO

Íbúðir 

1 eða 2 svefnherbergi

Eldhúskrókur 

Baðherbergi

Svalir 

Útisundlaug 

Sólbekkir(gegn gjaldi) 

ATH
Ljósmyndir af gististöðum eru birtar til að gefa hugmynd um vistarverur og umhverfi gististaða. Við getum því ekki ábyrgst að engar breytingar hafi átt sér stað frá því að myndirnar voru teknar. 
 
Aðgangur að interneti getur verið hægari á álagstímum. 

Upplýsingar

Calle Juan Llorca, Esq Esperanto 3500 Benidorm

Kort